Челзи на вчерашното гостување против Блекбурн победија со 1-0 и го задржаа чекорот со водечкото дуо, Арсенал и Манчестер Јунајтед. Сепак менаџерот на Челзи, Аврам Грант неможе во целост да биде задоволен, бидејќи најдобриот голман во тимот, Петер Чех заработи повреда на колкот при еден судир со парагвајскиот интернационалец Роке Санта Круз.“Ситуацијата со Чех е неизвесна. Повеќе детали ќе се знаат по деталните прегледи. Со такви повреди никогаш не се знае колку ќе траат па затоа подобро е да се причекаат конкретните лекарски извештаи” – изјави ГрантНо ситуацијата за Челзи е уште полоша ако се знае дека и првата замена на Чех, италијанскиот голман Карло Кудичини е надвор од погонот поради повреда на ребрата. Против Блекбурн помеѓу стативите мораше да застане португалецот Хиларио.

“Добро ја заврши својата задача, иако не му беше лесно во таа ситуација. Веќе во среда играме против Астон Вила, и можеби освен Хиларио нема да имам ниту еден друг голман на располагање,”

Грант е загрижен поради голманите, но е задоволен од победата над Блекбурн.

“Освоивме три значајни бода на тешко гостување. Бидејќи победија Арсенал и Манчестер Јунајтед, среќен сум што нивната предност не се зголеми. Арсенал има шест бода повеќе од нас, но тоа не е разика која неможе да се надополни, па и тие нема да победуваат секогаш.” – заврши Грант

Голот на Баптиста пред крајот на првиот дел беше доволен за победа на Реал Мадрид. Шпанскиот шампион одигра тактички добро и недозволи Барса да ја развие својата препознатлива игра. Каталонците можеби го имаа поседот на топката но не успееа да создадат некоја позериозна шанса.Првата можност за гол ја имаше домакинот. Касиљас беше побрз од Ето и недозволи напаѓачот на Барса да шутира, а во истата акција голманот на Реал го спречи и центаршутот на Ињеста и недозволи Барса да се закани посериозно.Касиљас уште еднаш беше на висина на задачата кога по шутот на Роналдињо одбрани одлично и недозволи неговата мрежа да се затресе. Веќе во наредната акција Реал направи одлична контра и по двојното проигрувањње помеѓу Баптиста и Нистелрој, Бразилецот го совлада Валдес.

Во вториот дел Барса напаѓаше со сите сили а Реал својта шанса ја бараше преку контра нападите. Со шут од далечина се испробаа Роналдињо и Кркич но нивните удари заврпија непрецизно. Во последните мигови од натпреварот Јаја Туре од неколку метри не успеа да го погоди голот на Касиљас, и со тоа замреа сите надежи дека Каталонците можат да освојат бод од ова дерби.

Двете екипи излегоа на теренот со желба за победа. Битката за бодовите се одвиваше до самиот крај. Но благодарејќи на една лоша интервенција на Дида, Интер ги освои трите бода.Првата шанса за посериозно да се загрози голот на противникот ја имаше Интер преку Ибрахимович. Шведскиот напаѓач во 5та минута шутираше над голот по одличното додавање на Маикон.Милан од својата прва посериозна шанса успеа да го отвори резултатот. Во 18та минута Инзаги беше соборен на работ од шеснаесетнико. Слободниот удар Пирло го претвори во гол. Тој упати прекрасен удар над живиот ѕид, а голманот Цезар беше само гледач повеќе.

Интер се обиде веднаш да се врати по шокот, и веќе во следните две три минути имаше одлична шанса. Но ударот на Хименес заврши само во пречката на Дида.

Во 34та минута Кака имаше одличен продор по кој Бразилецот падна во шеснаесетникот на Милан, но судијата одмавна со раката и дозволи играта да продолжи. Во обидот да го сопре продорот на Кака, повреда заработи дефанзивецот Самуел, а неколку минути подоцна на негово место влезе Марко Матераци.

Во 35та минута Интер со десет играчи на теренот успеа да го изедначи резултатот. Камбијасо го проигра Круз во шеснаесетникот, а овој иако беше опколен од тројца играчи со прецизен удар во долниот десен агол на Дида, успеа да го изедначи резултатот.

До крајот на првиот дел Интер имаше надвапати шанса од слободен удар да дојде во водство, но Киву и Ибрахимович не успеаа во својте обиди.

Во 62та минута Камбијасо постигнува гол за водство на Интер. По еден центаршут од левата страна, Малди ја одби топката само до нозета на Аргентинскиот интернационалец, кој со удар од работ на шеснаесетникот го совлада Дида. Голема вина за голот паѓа и врз Дида, бидејќи имаше лоша проценка на шутот.

Во поселдните десетина минути, Милан со сите сили тргна во освојување на бод. Најпрво во 82та минута Малди упати одличен удар, но Цезар со одлична интервенција ја одби топката во корнер.

Во 90та минута Милан имаше одлична шанса да го изедначи резултатот. Амброзини за секунда закасни со својот старт и неуспеа да го совлада Цезар.

Тоа беше и последното нешто што успеа да го направи екипата на Милан која трет натпревар по ред губи од својот градски ривал.

Јуве забележа нова победа. Жртва на екипата на Раниери беше Сиена. Хасан Салихамиџич во 32та минута го отори резултатот. Конечните 2-0 ги постигна Трезеге во 60та минута.

Фиорентина забележа убедлива победа од 5-1 во дуелот со Каљари. Рикардо Монтоливо во трета минута донесе водство за домакините, но набрзо гостите преку Фини го изедначија резултатот. На пет минути пред крајот на првиот дел, Муту постигна гол за ново водство, а истиот играч во 45та го зголеми резултатот на 3-1.

ВО вторито дел со головите на Сантана во 48та и 80 та минута Фиорентина ја забележа убедливата победа кој доажа по серија на лоши резултати.

Реџина забележа победа со која почна да го напушта дното на табелата. Франческо Модесто во 34та минута погоди за 1-0. Во 78та Лука Виџиани зголеми на 2-0, за во последните минути од натпреварот да бидат постигнати два погодоци, по еден на двете страни. Варгас најпрво го намали резултатот на 2-1, а Виџиани ги реши сите дилеми на натпреварот.

Удинезе на двапати доаѓаше во водство, но сепак освои само бод од дуелот со Емполи. Андреа Дoсена во 22та минута стрелаше прецизно за водство на Удине, а Франческо Партали по пет минути игра во вториот дел го изедначи резултатот. Во 85та минута Ди Натале ги донесе домакините во водство, но во 90та минута лино Марѕорати се погрижи гостите да освојат бод од ова тешко гостување.

Наполи и Торино одиграа нерешено иако гостите цело второ полувреме играа со играч помалку. Алесандро Росина го отвори резултатот во 36та минута. На десет минути пред крајот Хамшик донесе бод за домакините. Наполи може да жали за пропуштеното на овој натпревар. Винченцо Грела пред крајот на првиот дел доби црвен картон, а Маурицио Домици промаши пенал во вториот дел.

Лацио се врати од два гола негатива во дуело со Палермо. Сицилијанците поведоа со головите на Симплицио и Амаури, но Лацијаните се вратија во игра преку погодоците на Фирмани и Таре. Лацио средбата ја заврши со 9 играчи по црвените картони на Сивиља и Де Силвестри.

На овој натпревар не настапи нашиот интернационалец поради суспензија заради жолти картони.

На последниот натпревар Ливорно и Аталанта ги поделија бодовите. Домакините први дојдоа во водство преку Галанте во 26та минута а гостите преку Тисоне во 33та минута го изедначија резултатот.

Погледнете:

“Ако морам да бирам страна од дерби натпреварот во недела, секогаш бирам некој кој ќе го запре лидерот на табелата. Барем сум искрен и признавам со насмевка на моето лице,“- изјави тренерот на Бјанконерите, Клаудио Раниери.Интер се на чело на табелата со предност од седум бода во однос на второпласираната Рома и осум во однос на третопласираниот Јуве, но на прагот на најтешкиот тест годинава, недлната средба со градскиот ривал Милан.“Почнав да размислувам на освојување на Скудетото уште за време на летниот тренинг камп во Пинзоло и не престанав да мислам на тоа ниту за миг до денес. Ви го кажувам ова веќе шест месеци.“

Јувентус е на пат да стане првиот клуб од Серија А кој го освоил Скудетото веднаш по унапредувањето на клубот од втората лига, а Раниери смета дека тимот има огромна предност пред останатите конкуренти за титулата особено по вчерашното извлекување на двојките за Лигата на Шампионите.

“Кога сте во нок аут фазата на Лигата на Шампионите ве чекаат неколку одлични екстремно тешки средби. Ова за нас значи предност бидејќи не сме дел од првенството,“- продолжи Раниери.

“Се надевам дека италијанските клубови ќе го продолжат натпреварувањето и по оваа фаза, делумно и поради фактот што колку подолго опстојат во Лигата на Шампионите, толку подолго ние ќе имаме предност.“

Раниери има искуство во ова натпреварување но никогаш не успеа да го освои трофејот со Челзи.

“Мислам дека само Милан се во можност да кројат планови за Лигата на Шампионите. Се што е потребно е една недела ѕвездите да не ви играат како што треба и сиот дотогашен напор да ви падне во вода.“

Јувентус ќе може да смета на сите играчи за неделната средба против Сиена, освен на аргентинецот Каморанези и Андраде, додека Занети и Ночерино се заразени со грип при што најверијатно шанса ќе му биде дадена на Тијаго Мендез.

“Ќе разговарам со нив сабајле да видам како се чувствуваат. Занети е малку подобар но за среќа Тијаго е сосема во ред и се надевам дека нема да се разболи преку ноќ.“

“Сиена се незгоден противник, играат цврсто ќе ви наметнат притисок па потоа ќе одат на пауза. Мораме да бидеме концентрирани и посамоуверени по средбата со Лацио. Мора да ја завршиме 2007 година величествено и решени да го продолжиме атакот на Скудетото.“

Ова секако беше посебна година за еден играч на Јувентус, капитенот Алесандро Дел Пиеро.

“Во последно време е постојано насмеан и среќен. По потпишувањето на новиот договор, и особено откако стана татко на Тобијас изгледа поопуштено и среќно. Дури и на тренинг се покажува во се подобро светло.“

Баерн Минхен добија лесен противник во 1/16 финалето од Купот на УЕФА, германците се апсолутни фаворити во дуелот против Абердин и не би требало да имаат потешкотии околу совладувањето на првата пречка од нокаут фазата. Од останатите четири германски клуба, Баер Леверкузен, Хамбургер и Нирнберг ќе им гостуваат на Галатасарај, Цирих односно Бенфика, а екипата на Вердер на домашен терен ќе ја пречека португалската Брага.Болтон и Атлетико Мадрид е уште една интересна двојка, дуелот помеѓу англискиот и шпанскиот преставник би требало да предизвика доволен интерес. Евертон ќе му гостува на Бран, Тотенхем на Славиа Прага. Гетафе ќе ги одмери слилите со грчки АЕК, додека Виљареал ќе гостува во Русија на натпревар против Зенит.Италијанците имаат само еден претставник во Купот на УЕФА, тоа е екипата на Фиорентина која го доби Роземборг. Првиот натпревар ќе се одигра во Норвешка.

Двојки од 1/16 финалето во Купот на УЕФА:

Абердин – Баерн Минхен
АЕК – Гетафе
Болтон – Атлетико Мадрид
Зенит – Виљареал
Галатасарај – Баер Леверкузен
Андерлехт – Бордо
Бран – Евертон
Цирих – Хамбургер
Глазгов Ренџерс – Панатенаикос
ПСВ – Хелсингборг
Славија Прага – Тотенхем
Роземборг – Фиорентина
Спортинг – Базел
Вердер – Брага
Бенфика – Нирнберг
Олимпик Марсеј – Спартак Москва

Првите натпревари се играат на 13/14 февруари додека реванш натпреварите се играат на 21ви февруари.